Community Engagement

MEA:

Hello nan dam hna maw?

Term 2 cu a dih manh ko i, sianginn holiday kan phan tthan cang. Nan i ngeih cio lai ti ruahnak ka ngei. A luancia nan fale nan rak zohkhenhnak cungah lunglawmhnak tampi kan ngei. Nan thabaatnak le nan lungretheihnak vialte cu Bawipa tu nih in hnemh hna sehlaw, thluachuahnak in pe chin ko hna seh. 

Theihtertthannak van tuah ka duh mi cu, kei hi Monday to Friday ka ttuan. Monday cu Admin office chungah ka tthu. Tuesday to Friday tu cu, Office chung i MEA khaan ah khan ka tthu. Nan herh caan paoh ah ton khawh le chawnh khawh ka si lai. Keimah ka number balte hi pek a ngah lo i, a ka hal mi zong nan um ngai ko nain, a ruahzia nan ka thiamnak lai kan nawl hna. Office 9725 4933 ah chawn law, Lal chawnh ka duh na ti cun, keimah sin ah an van kuat ko lai. 

A kik bak cang, ttha tein in le lum tein rak i zohkhenh hna u law, Term 3, July 13 ah dam tein kan i tong tthan hna lai.