Community Engagement

MEA:

Hello nan dam ttha hna maw?

Term 3 a zarhhnihnak cu a dih hoi ko. Caan a kal rang taktak. A rauh hlan ah SSG meeting zong ngei tthan ding kan si. Compass ah booking tuah khawh a si cang. Booking tuah hi an rang ngai caah, nanmah nan duh caan le ni te book nan duh a si ahcun, a rang khawh chung in booking rak tuah law. Bawmh na herh a si ahcun, chawnhbiak khawh peng ka si ko lai. SSG cu 10-14 August zarh chung ah a si lai.

August 7, Ningani khi Sianginn Sports Day a si. Mah ni cu lentecelhnak a phunphun a um lai i, anmah 'house colour' te i hruk ding a si te lai. Yellow, red, blue le green an si lai. Nan fale muici (colour) cu compass ah hmuh khawh a si lai. 

Mah ni ah khin nulepa le zohkhenhtu i tel khawh ve a si. Tel ve nan duh a si ahcun, office lei ah theihternak rak tuah u law. 

24 - 28 August cu 'Book Week' (cauk zarh) ngei ding kan si. Tukum book week ca i kan biatlangpi cu "Symphony of stories" ti a si. A ni lai deuh ah thawng fiang deuh in thanh tthan khawh kan rak i zuam lai. 

A donghnak bik ah, kan nau le he aa pehtlai in aa thlengmi thil an um a si ahcun, sianginn lei theihternak rak tuah hrimhrim u law. Lenglei nan ton mi (OT, Physio, Speech therapist, Support coordinator) tbk, nan inn address le nan phone number tbk poah zong theihternak rak kan tuah kho u law kan i lawm ngai hnga. 

Pehtlaih le chawnhbiak nan ka duh a si ahcun, Office chung ah hmuh khawh ka si lai i, ka rian email Lalpekhlu.hlawnceu@education.vic.gov.au zong in email kuat khawh ka si lai. 

Lunglawmhnak tampi ka ngei.